Deputetja e PDK-së, Ganimente Musliu, e ka kthyer dhuratën që thotë se i është bërë deputetëve nga kryeministri Albin Kurti.
Musliu me anë të një video në Facebook tha se kryeministri për një vit rresht është tallur në Kuvendin e Kosovës dhe se ka tentuar t’i poshtërojë e denigrojë deputetët, tani ka zgjedhur t’i jep dhurata për vitin e ri – një kartolinë dhe çokollatë.
“Albin Kurti i cili rolin e Kryeministrit e ka shëndrru në Babadimër, për një vit rresht u tall me Kuvendin e Kosovës dhe tentoj të poshtëroj e denigroj deputetet paska zgjedhë që me para të qytetarëve të na dhuroj dhurata për vitin e ri. Unë nuk mund të pranoj dhurata nga Albin Kurti i cili i la pa proteza invalidët e Ushtrisë Çlirimtare të Kosovës, prandaj sot ia ktheva personalisht dhuratën”, ka deklaruar ajo në videon e publikuar./teve1.info
