Musliu në emisionin “Ditari” në Tëvë1, ka thënë se mos kalimi i ligjeve në Kuvend është faj i mazhorancës.
Ajo thotë se qytetari ua ka dhënë LVV-së mandatin për të qeverisur e ajo për të qëndruar jashtë nëpër kafiteri në kohën kur mbahen seancat.
“Një mazhoranc e cila për një vit rresht në çdo paraqitje të tyre qoftë në parlament apo televizion, konferenca shtypi qdo herë na kanë mbajt nërë hunë 14 shkurtin dhe 50.01 % referendumin siç thonin ata, mos ta rrijnë ti kalojnë ligjet me shumicë parlamentare kjo nuk don koment dhe faji këtu është direkt i mazhorancës, s’ka të bëjë opozita sepse në fund të ditës qytetari ia ka dhënë atyre mandatin për të qeverisur e jo për të qëndruar jashtë nëpër kafiteri e nëpër vende tjera në kohën kur mbahen seancat”, tha Musliu.
Ajo thotë se është idhtare që asnjë ligj mos të mbështetet në mungesë të korumit kur mazhoranca nuk brengoset aspak.
“E kam ngrit disa herë dhe ua thash edhe dje por deputetët e mazhorancës duhet të reflektohen për përgjegjësit që i kanë marrë. Deputetet e opozitës nuk janë aspak më të disiplinuar se ata mirëpo shumica bie tek shumica. Jam idhtare që të disiplinohet mazhoranca”, tha më tej Musliu.
Sipas saj, mosserioziteti i mazhorancës e dëmton vendin shumë.
