Deputetja e Partisë Demokratike të Kosovës, Ganimete Musliu ka thënë se ka ardhur koha për veprim të partive opozitare, pasi sipas saj VV-ja po mundohet të instalojë sistem monist.
Musliu i ka bërë thirrje opozitës mos ta respektojnë rregulloren dhe ta kthejnë debatin në Kuvend, për t’i dhënë një leksion politik ‘Albinit, Dejonës dhe marionetave të tyre’
“Prej një qeverie që brenda katër vitesh procedon 11 ligje antikushtetuese, nuk pritet respektim i vendimit të Gjykatës Kushtetuese. VV po mundohet të instalojë sistem monist. E meqenëse këta zhyllanat e VV-së nuk po e respektojnë kushtetutën e Kosovës, ka ardhë koha që partitë opozitare mos ta respektojnë rregullorën dhe ta kthejnë debatin në Kuvend. Ka ardhë koha për veprim. Ka ardhë koha t’i japim Albinit, Dejonës dhe marionetave të tyre një leksion politik;Për Kosovën shtet të lirë, sovran dhe demokratik”, ka shkruar ajo në Facebook pas dështimit të seancës konstituive.
