Deputetja e Partisë Demokratike të Kosovës, Ganimete Musliu ka reaguar pas deklaratës së kryeministrit, Albin Kurti në lidhje me vrasjen e Faton Hajrizit.
Musliu ka kërkuar nga kryeministri i Kosovës, Albin Kurti shkarkimin e Ministres së Drejtësisë, Albulena Haxhiu dhe Ministri i Punëve të Brendshme, Xhelal Sveçla, raporton teve1.info
Deputetja e PDK-së, këta të fundit i ka quajtur shkatërrues të shtetit.
“Kurti kur është pyetur për Konfirmimin e ivrasjes së Faton Hajrizit, qenka përgjigjur: “Besoni kam shumë punë si kryeministër” E vërtetë qe ka shumë punë se e ka ba Kosovën llugë në çdo sferë e i ka hupë filli, ama punën e parë që duhet bërë është me e shkarku Albulena Haxhiun dhe Xhelal Sveçlen. Demagoga, shkatërrues të shtetit, Llaskuca”, ka shkruar Musliu në Facebook.
Ndryshe, kryeministri i Kosovës, Albin Kurti është pyetur gjatë një paraqitje para mediave në Qendrën Klinike Universitare (QKUK) rreth rastit të Faton Hajrizit, që dyshohet se është vrarë në Serbi.
Kurti ka thënë se Ministria e Brendshme dhe ajo e Drejtësisë e trajtojnë këtë çështje, shkruan teve1.info
“Ministria e Brendshme dhe ajo e Drejtësisë e trajtojnë. Nuk kam nevojë ta bëj edhe punën e ministrit, besoni që kam shumë punë si kryeministër”, ka thënë ai.
Kurti flet për rastin e Faton Hajrizit: Ministritë po merren me këtë çështje
