Mesfushori Florent Muslija, megjithatë do të largohet nga skuadra e Freiburgut përkundër raportimeve se do të mbetej në ekip.
Muslija do të zhvendoset në Bundesligën 2, saktësisht te Fortuna Dusseldorfi, ekip që tashmë ka arritur marrëveshje me Freiburgun.
Bëhet e ditur se Muslija do të huazohet për një vit te Fortuna, e cila ka opsionin e blerjes së tij në rast se ngjitet në Bundesligë për sezonin 2026/27.
Mesfushori 26-vjeçar, do ti bashkohet menjëherë Fortuna Dusseldorfit dhe të premten (sot) do pritet ta ketë stërvitjen e parë me ekipin e ri.
Futbollisti i Kombëtares së Kosovës, ka kontratë deri në vitin 2028 me Freiburgun, ekip të cilit iu bashkua vitin e shkuar kurse karrierë ka bërë edhe te Paderborni, Hannoveri e Karlsruheri.
Ai në shtator të vitit 2019 debutoi me “Dardanët” dhe deri më tani ka shënuar 1 gol në 28 paraqitje me Kosovën.
