Mesfushori i Kombëtares së Kosovës, Florent Muslija ka tërhequr vëmendjen e skuadrës nga Turqia, Alanyaspor.
Mediumet turke kanë raportuar se Alanyaspori po interesohet për mesfushorin kosovar, i cili këtë verë do të largohet nga skuadra e Freiburgut.
Muslija te skuadra turke po shihet si përforcim ideal për mesfushën dhe për këtë arsye po insiston në transferimin e tij.
Në fakt, thuhet se Alanyaspori është në negociata me 26-vjeçarin, i cili është i gatshëm për të vazhduar karrierën në Superligën e Turqisë.
Në sezonin e fundit, Muslija nuk ka pasur hapësirë pasi ka regjistruar 9 paraqitje në Bundesligë për Freiburgun, ekip që tashmë e ka nxjerrë në shitje dhe nuk po llogarit në shërbimet e tij.
Ai ka kontratë me Freiburgun deri në vitin 2028 kurse kartoni i tij vlerësohet rreth 2 milionë euro.
