Ditën e dielë Elon Musk tha se versioni i ri i mesazheve direkte në rrjetin social X, quajtur XChat, po lançohet për të gjithë përdoruesit me funksionalitete si mesazhe që vetëfshihen, enkriptim dhe shkëmbim të dhënash krahas mbështetjes për thirrjet audio dhe video.
Funksionalitetet e reja ende nuk janë të disponueshme gjerësisht ndërsa XChat vetëm ka filluar të testohet për një grup përdoruesish.
Musk pret që XChat do të mbërrijë tek të gjithë përdoruesit brenda kësaj jave.
Përmes një serie postimesh në X, Musk theksoi se versioni i përditësuar i Xchat është ndërtuar mbi gjuhën Rust me enkriptim të stilit të Bitcoin dhe një arkitekturë krejtësisht të re.
Shumë njerëz ngritën dyshime nëse Musk po përdor këtë terminologji për të reklamuar shërbimin.
Pronari i kompanisë është shprehur vazhdimisht se synon ta bëjë aplikacionin një konkurrent të denjë të Signal apo iMessage.
All new XChat is rolling out with encryption, vanishing messages and the ability to send any kind of file. Also, audio/video calling.
This is built on Rust with (Bitcoin style) encryption, whole new architecture.
— Elon Musk (@elonmusk) June 1, 2025
