Elon Musk ka akuzuar publikisht presidentin amerikan,Donald Trump se është i përfshirë në dosjet e Jeffrey Epstein, duke sugjeruar se kjo është arsyeja pse ato nuk janë bërë ende publike.
Kjo akuzë vije në vazhdën e përplasjeve publike mes dy figurave të njohura, pas kritikave të Musk ndaj administratës Trump dhe politikave të saj.
“DonaldTrump është në dosjet e Epstein. Kjo është arsyeja e vërtetë pse ato nuk janë bërë publike. Kalofsh mirë, DJT”, ka shkruar Musk në X.
Në vitin 2024, Prokurorja e Përgjithshme Pam Bondi, nën udhëheqjen e Trump, ka urdhëruar publikimin të një sërë dokumentesh lidhur me Epstein, përfshirë regjistrat e fluturimeve dhe një listë kontaktesh. Emri i Trump është përmendur disa herë në këto dokumente, duke përfshirë regjistrat e fluturimeve që tregojnë se ai ka fluturuar me avionin privat të Epstein në disa raste gjatë viteve 1990. Megjithatë, nuk ka prova që sugjerojnë se ai ka qenë i përfshirë në ndonjë aktivitet të paligjshëm të Epstein.
