Kështu ka deklaruar avokati, Skënder Musa në emisionin “Ditari” në Tëvë 1.
Sipas tij, kjo do të ndodhë pas “të gjitha atyre shkeljeve, të metave dhe mos-objektiviteti i gjyqtarit” në këtë proces.
“Unë jam i bindur 100 për qind se me gjithë këto shkelje, të meta dhe një gjyqtar që nuk ka treguar objektivitet vendimi i Apelit këtë vendim do ta prishë dhe do ta kthejë në pikën zero. Por pavarësisht se si do të vendosë Apeli është keq për këta dy persona që procedura të zvarritet, qëndrimi i tyre në paraburgim ka qenë i lartë dhe në gjithçka mund të thuhet por në asnjë formë nuk është vendosë drejtësia”, tha ai.
Tutje, avokati shton se me këtë vendim është vërtetuar se nuk ka drejtësi të mirëfilltë.
“Edhe një herë drejtësia ndërkombëtare tregoi se nuk ka drejtësi të mirëfilltë në asnjë gjykatë që themelohet me elemente të së drejtës ndërkombëtare sepse gjithmonë gjykojnë, hetojnë palët e dëmtuara, viktimat siç është rasti i Kosovës kur e kemi parasysh sa civilë, gra, fëmijë janë vrarë në Kosovë dhe sa është numri i të hetuarve në Serbi e cila ka bërë luftë poshtëruese në kundërshtim me të gjitha konventat ndërkombëtare”, shtoi ai./teve1.info/.
