Ai thotë se ka disa vërejtje dhe ankesa nga të dënuarit ose të paraburgosurit mirëpo, sipas tij, këto shërbime kanë shkuar duke u përmirësuar.
“Gjithmonë më pak kemi domethënë kohëve të fundit ankesa ose shqetësime. Kjo domethënë falë përkushtimit e bashkëpunimit të mirë që kemi, mirëpo edhe në pikëpamje të financimit të këtyre shërbimeve edhe të pajisjeve ose të furnizimit këto shërbime janë përmirësuar viteve të fundit…Problemi ekziston se sëmundjet e rënda ose të pashërueshme si i quajmë ne edhe sëmundje terminale është një problem domethënë brenda sistemit. Për fat të mirë nuk ka shumë, mirëpo ka gjithmonë raste të tilla. Këta persona, për fat të keq, në shumë raste edhe mund të vdesin nëpër burgje për shkak të pamundësisë për të lëvizur ose prej pamundësisë për t’u ofruar shërbime shëndetësore jashtë institucioneve, pasi që këto janë sëmundje terminale ose të pashërueshme dhe ata thjesht nuk kanë ndonjë bazë ligjore për çka ata do të mund të liroheshin”, tha ai në emisionin “De Jure” në Tëvë1.
Për më shumë ndiqeni hulumtimin “Shërbimet shëndetësore në burgje”, i cili po transmetohet në “Tëvë1” dhe “Betimi për Drejtësi.
