Sulmuesi i Kombëtares së Kosovës, Vedat Muriqin për javën e dytë rresht është përfshirë në formacionin më të mirë të xhiros në La Liga.
Muriqi ka zënë vend në ekipin më të mirë të javës së 24-t në kampionatin spajnoll pas paraqitjes fantastike që e pati në ndeshjen e fundit.
Në fakt, sulmuesi kosovar ia siguroi fitoren Mallorcas me rezultatin 3:1 kundër Las Palmasit pasi realizoi dy gola dhe u vlerësua me notën 8.2 për paraqitjen e tij nga faqja e njohur “Sofascore”.
Të dy golat, Muriqi i shënoi në pjesën e parë për t’ia siguruar Mallorcas fitoren e dhjetë këtë sezon, e cila e ngrit në pozitën e 7-të me 34 pikë të mbledhura.
30-vjeçari duket se po e kthen formën e tij gradualisht pasi në dy ndeshjet e fundit ka realizuar 3 gola dhe në total deri më tani, Muriqi ka shënuar 6 gola dhe ka bërë 2 asistime në 19 paraqitje kampionale.
