Sulmuesi Vedat Muriqi sërish është duke buzëqeshur pasi ka tejkaluar një seri të keqe personale dhe ekipore.
Tre golat e tij në dy ndeshjet e fundit i kanë dhënë një shtysë skuadrës, duke i dhënë atij rolin e “përgjegjësit” për realizimin e golave në rolin e tij si sulmues në ekipin e Mallorcas.
Sipas Muriqit, ekipit i duhej një fitore për ta nxjerrë nga kriza e rezultateve.
“Na duhej një fitore dhe tani ndihem më i çliruar dhe në Sevilla ne shkojmë të luajmë në një fushë të vështirë dhe kundër një skuadre që edhe pse nuk ka kaluar mirë vitet e fundit, tashmë po rikthehet fuqishëm”, ka thënë Muriqi.
Sa i përket kundërshtarit të radhës Sevillas në La Liga, Muriqi tha se mund t’i nxjerrin rezultat pozitiv.
“Ata fituan ndeshjen e fundit dhe tani janë vetëm tre pikë prapa nesh, pasi kanë fituar 4:0, por e ritheksoj se e kemi kthyer besimin dhe mendoj se mund të nxjerrim diçka të mirë”, është shprehur ai.
Skuadra e Mallorcas fitoi katër pikë nga dy ndeshje, ku barazoi me Osasunan dhe fitoi ndaj Las Palmasit.
“Për shkak se skuadra dhe unë nuk arritëm të shënonim gol në ndeshjet e para të vitit 2025, më duhej ta merrja atë përgjegjësi si sulmues. Fajësova veten, por ndër të tjera ndërpreva serinë negative dhe po ashtu shënova sërish ndaj Las Palmasit. Ishte fitore shumë e rëndësishme”, thotë ai.
I pyetur nëse Mallorca mund të ëndërrojë të kthehet në Evropë, kosovari tha se “nëse vazhdojmë të fitojmë ndeshjet, unë do të jem i pari që do të filloj të ëndërroj”.
