Mbrëmja e sotme në Serie A pritet të sjellë një përballje interesante edhe për futbollin e Kosovës.
Skuadra e Juventusit zhvillon sonte ndeshjen e radhës kampionale, ku do të përballet me Sassuolon, në një duel që ngjall interes të veçantë për shkak të mundësisë së përballjes mes dy reprezentuesve të Kosovës, Aro Muriq dhe Edon Zhegrova.
Juventusi, i njohur si “Zonja e Vjetër”, hyn në këtë sfidë me synimin për të vazhduar garën për pozitat e larta në tabelë, ndërsa Sassuolo kërkon të shfrytëzojë terrenin vendas për të marrë pikë të rëndësishme.
Nëse trajnerët vendosin t’u japin besimin, ky takim mund të sjellë një duel direkt mes portierit Aro Muriq dhe sulmuesit anësor Edon Zhegrova, duke e bërë ndeshjen edhe më tërheqëse për tifozët kosovarë.
Muriq është i pa kontestueshëm te Sassuolo, ndërsa edhe Zhegrova ka gjasa të mëdha të inkuadrohet titullar, pasi Conceicao është lënë jashtë formacionit si shkak i lëndimit.
Përballja ndërmjet Sassuolos dhe Juventusit do të luhet sonte duke filluar nga ora 20:45, ndërsa pritet një atmosferë e zjarrtë dhe një ndeshje me ritëm të lartë.
