Ministri i Financave, Hekuran Murati, ka bërë të ditur se ka nënshkruar marrëveshje në vlerë prej 79 milionë eurove.
Murat tha se java ishte e ngarkuar, por edhe produktive.
“Java që po lëmë pas, ishte tejet e ngarkuar por edhe mjaft produktive sepse nënshkruam marrëveshje për projekte zhvillimore në vlerë prej 79 milionë euro”, ka shkruar Murati.
Ai ka thënë se 61 milionë janë për Parkun Solar në KEK.
“+ 61 milionë euro me KfW Gjermane për Parkun Solar 100 MW në KEK, ku 32 milionë euro prej tyre janë grant nga WBIF; + 9 milionë euro grant me qeverinë Zvicerane për rritjen e efikasitetit dhe efiçiencës në kompanitë rajonale të ujësjellësit; + 9 milionë euro grant nga fondet e BE-së me Bankën Botërore për përmirësimin dhe rehabilitimin e sistemeve të ujitjes për tokat bujqësore në Rrafshin e Dukagjinit.”
“Pra 50 milionë euro grante që nuk ka nevojë të kthehen, dhe 29 milionë euro kredi me kushte koncesionale”, ka shkruar ai ne Facebook./teve1.info/
