Ministri i Financave, Hekuran Murati ka thënë se në vitin 2023 fjala korrupsion në raportin e DASh-it përmendet 12 herë, në vitin 2019 ka qenë 24 herë e përmendur.
Ai deklaroi se ka pasur përgjysmim të përmendjes së kësaj fjale.
Tutje, Murati ka thënë se nëse analizojmë fjalët dhe fjalitë se çfarë është shkruar aty, shohim që në disa raste edhe vet raportuesi ose kush do që ka marrë pjesë në hartim të raportit ka rënë pre edhe e dezinformatave të mediave, të cilat sipas tij “ende janë pjesë e gardës së vjetër”.
“Në vitin 2023 fjala korrupsion në raportin e DASh-it përmendet 12 herë, në vitin 2019 ka qenë 24 herë e përmendur. Sipas raportit të Departamentit Amerikan të Shtetit, nëse e shikojmë në suaza kuantitative ka përgjysmim së paku dhe ne e mirëpresim këtë vlerësim, që së paku është vlerësuar që ka përgjysmim të korrupsionit. Megjithatë, nëse hyjmë edhe në cilësi pastaj edhe nëse analizojmë fjalët dhe fjalitë se çfarë është shkruar aty, shohim që në disa raste edhe vet raportuesi ose kush do që ka marrë pjesë në hartim të raportit ka rënë pre edhe e dezinformatave të mediave të cilat ende janë pjesë e gardës së vjetër e madje edhe e disa organizatave të shoqërisë civile, të cilat maskohen si të tilla por në fakt janë zgjatime të gardës së vjetër”, deklaroi ai./teve1.info/