Gjatë intervistimit, Murati tha se tani tarifat përcakohen njëtrajtshëm gjatë tërë vitit, e jo të jenë tarifa mujore, siç janë bërë viteve të kaluara, shkruan teve1.info
“Siç e kam thënë edhe në intervistimin e kaluar, duhet të mirret parasysh që tarifat përcaktohen përgjatë tërë vitit, pra nuk ka tarifa mujore, ku gjatë muajve të vetës paguhet më lirë, e në anën tjetër pastaj gjatë dimrit çmimi të bëhet i përballushëm. Tarifat përcaktohen njësoj, njëtrajtshëm gjatë tërë vitit, që gjatë muajve të verës, të mund të jetë pra më i përballueshëm, kurse gjatë dimrit të mos ketë nevojë të rritet çmimi”, tha ai.
Ministri Murati theksoi se në vitin 2017, qytetarëve u faturohej çmimi për 40% për shumë çdo vit.
“E kemi pasë rastin para vitit 2017, kur kemi pasë dy lloj tarifash, ka qenë sezona verore dhe dimërore. Ku gjatë muajve të dimrit, çmimet janë rrit për 40 përqind çdo vit. Dhe çdo herë ka qenë pothuajse e rregullt, se në tetor fillonte aplikimi i tarifave të reja, në nëntor çdoherë ka pasë protesta. Për shkak se qytetarët ballafaqoheshin dhe me konsum më të lartë, por ai konsum faturohej pastaj 40% më shtrenjtë. Tash tarifat janë të njëtrajtshme gjatë vitit”, tha Murati.
Më 5 maj, partitë opozitare dhe ato në pozitë janë dakorduar për formimin e dy Komisioneve Hetimore Parlamentare për Energjinë.
Njëri komision është sipas kërkesës së opozitës, për hetimin e menaxhimit të krizës në muajt e fundit, ndërsa tjetri me kërkesë të pushtetit, për çështjen e energjisë që nga viti 2006. /Teve1.info/
