Në një konferencë për media, Murati theksoi se nuk sekuestrimet janë bërë të përditshme, ndërsa sipas tij, në të kaluarën rrallëherë është dëgjuar për to, shkruan teve1.info
“Siç e keni parë edhe ju, tashmë zëniet e produkteve të kontrabanduara, kapjet e tyre, sekuestrimet, konfiskimet, janë bërë çështje pothuajse të përditshme, përderisa në të kaluarën rrallëherë eshtë dëgjuar për to. Kjo është mesazh për ata që provojnë me bo kontrabandë, është mesazh që tashmë nuk është e mundshme një gjë e tillë, dhe u kushton shumë më shtrenjtë sesa të kalojnë nëpër kanalet zyrtare”, tha Murati.
Murati theksoi se Qeveria e Kosovës është e gatshme ta shtyejë përpara zbatimin e ligjit në çdo cep të vendit.
“Ne si Qeveri, edhe si Ministri, jemi të përkushtuar që ta mbështesim edhe më tej, pra të rrisim kapacitetet, të modernizojmë edhe flotën e paisjeve që ka në dispozicion Dogana e Kosovës, por edhe të kthejmë funksionet që ka pasur dikur, siç është puna me terminalet doganore. Pra tashmë kemi terminalin e Trepçës, kemi edhe terminal të tjera që janë në proces, dhe shumë shpejt do të kemi terminale shtetërore”, shtoi ai.
Kryeministri i vendit Albin Kurti dhe ministri i Financave, Hekuran Murati kanë vizituar sot Doganën e Kosovës. Dyshja u priten nga drejtori i përgjithshëm i Doganës, Agron Llugaliu. /Teve1.info/
