Ministri i Financave, Hekuran Murati ka thënë se për 6 muaj, mbi 61 mijë familje të cenueshme, pa të ardhura ose me të ardhura të ulëta, u janë subvencionuar faturat e energjisë elektrike.
Sipas Muratit, familjet përfituese edhe këtë muaj do të pranojnë subvencionimin direkt në faturë të energjisë elektrike.
“Faza e pilotimit përmbyllet me ekzekutimin e këstit të 6-të të subvencionimit, për secilën nga familjet e cenueshme. Mësimet e informatat që kemi mbledhur përgjatë pilotimit 6-mujor do të përdoren që të dizajnojmë masën e rregullt të mbështetjes së familjeve të cenueshme, e cila pritet të ri-aktivizohet në stinën e dimrit”, ka shkruar Murati në Facebook.
Derisa ka përmendur se masa e pilotimit ka qenë e mbështetur financiarisht nga Pakoja Energjetike e BE-së./teve1.info/
