Në një konferencë për media, Murati theksoi se greva e deklaruar nga SBASHK-u nga data 25 gusht ka krijuar nevojën që të riprocesohen listat e pagave për organizatat buxhetore që ndikohen nga greva.
“Dua të ju njoftoj se sot është bërë pjesërisht ekzekutimi i pagave për shkak se siç e dini ju procesimi dhe përgatitja e llogaritjes së pagave merr kohë dhe nis në mes të muajit… meqenëse përditësimi i këtyre listave nuk është bërë në kohë nga organizatat buxhetore, ka qenë e pamundur që të procesohet me pagat e tyre në ditën e sotme”, ka deklaruar Murati.
Ai ka kërkuar që mësimdhënësit të dalin në punë nesër, ndërsa ka përsëritur se shteti nuk është i obliguar të paguaj punëtorët për ditët sa janë në grevë. /Teve1.info/
