Mbi 2 mijë punëkërkues janë regjistruar dhe verifikuar në platformën “Superpuna”, kështu ka bërë të ditur ministri i Financave, Punës dhe Transpereve, Hekuran Murati.
Sipas njoftimit për media bëhet e ditur se të gjithë personat e moshave 18-25 vjeçare kanë mundësinë të gjejnë një vend pune me pagë si dhe të garantuar nga shteti.
“Të gjithë të rinjtë e moshave 18-25 vjeçare që janë në kërkim të një vendi pune, kanë mundësinë të regjistrohen dhe të gjejnë një vend pune me pagë të garantuar nga shteti”, thuhet në njoftim.
Vegëza për regjistrim në superpuna: https://superpuna.rks-gov.net
“Superpuna” është platformë punësimi e krijuar nga Qeveria e Kosovës, e cila do të lehtësojë qasjen e të rinjve në tregun e punës dhe do të ndihmojë bizneset në angazhimin e punëtorëve të rinj.
