Tahiri ka akuzuar Qeverinë për bllokime të investimeve kapitale në komuna.
Madje ai tha se nga komunat që kjo parti drejton kanë marrë ankesa se ministritë e linjës nuk u kthejnë përgjigje.
“Investimet kapitale janë bllokuar , projektet që janë dorëzuar në ministri të linjës nuk kanë marrë përgjigje”, tha Tahiri.
Ndërsa, Murati tha se komunat kanë autonomi të shpenzimit të buxhetit të cilin e kanë parapri në buxhet.
Ai tha se Qeveria nxit që të ketë përformancë më të madhe në shpenzimet kapitale. Murati gjatë seancës tha se me këtë qeveri nuk do të funksionojë praktika e kaluar për realizim të projekteve nga niveli qendror i “listave të dëshirave nga kryetarët e komunave”, shkruan teve1.info.
“Kërkesa ime si ministër i Financave drejtuara organizatave buxhetore të nivelit qendror dhe lokal të kemi përfomrnacë më të mirë sa i përket shpenzimeve kapitale. Asnjë projekt nuk bllokohet nga Qeveria, përkundrazi. Nëse bëhet fjalë për listë dëshirash nga kryetarët e komunave që pushteti qendror t’ua financojë dhe nëse kjo praktikë ka ekzistuar me ketë qeveri nuk do të funksionojë. Të gjitha komunat do të trajtohet barabartë sipas peshës që e kanë dhe ne kemi ndarë edhe granit e katër të cilin shumë shpejtë do të nisim ta implementojmë”, ka thënë Murati.
