Ministri në detyrë i Financave, Hekuran Murati ka mohuar se ndarja e nga 100 euro për studentët dhe lansimi i burës së mobilitetit, janë bërë për fushatë.
Ai ka thënë se ndarja e mjeteve për studentët është bërë për shkak se këtë muaj ka nis viti i ri akademik, dhe si premtim është dhënë që nga muaji janar.
“Viti akademik fillon tash, kjo është arsyeja. Pra, kjo është e ndërlidhur me vitin akademik dhe është dhënë si premtim në janar të këtij viti. Kemi supozuar që deri këtë kohë do të kishim institucionet e reja, por edhe si qeveri në detyrë nuk na ka pengu që të zbatojmë edhe tash”, ka thënë Murati në konferencën për media pas mbledhjes së Qeverisë.
Ai ka thënë se kjo nuk është hera e parë që kanë dhënë mbështetje për studentët./teve1.info/
