Kjo, sipas tij, pasi që bujqit e vërtetë kanë hequr dorë nga subvencionet e grantet për shkak se kanë parë se po shpërblehen të tjerët që, siç thotë ai, nuk kanë as tokë.
“Fillimisht në 10 vitet e fundit në sektorin e bujqësisë janë dhënë subvencione dhe grante gjysmë miliardë euro, 500 milionë euro janë dhënë, kah 50 milionë euro në vit janë dhënë 25/30 subvencione. Këto janë vetëm prej Qeverisë. Dhe nuk është rrit produktiviteti asnjë gram. Për shkak se tu e pa bujku i vërtetë, fermeri i vërtetë qysh po shpërblehet dikush që s’ka as tokë, e as traktor, ka heq dorë fare. Dmth nuk ka pas llogari”, tha Murati në “Këndi i Debatit” në Tëvë 1.
Ai shtoi se blera e subvencioneve dhe granteve këtë vit arrin afër 90 milionë euro.
“Kshtu që fillimisht, ne duhet ta mirëmenaxhojmë këtë fondin që ka qenë 50 milionë e për këtë vit nëse s’gaboj me këto shtesa që janë bërë tash për si përgjigje ndaj inflacionit, mund të arrijë diku te 90 milionë euro këtë vit. Për subvencione dhe grante 90 milionë euro”, tha Murati.
Ministri Murati theksoi se ende pa u bërë një vit kanë ndërmarrë masa që t’i mbështesin bujqit.
“Ka masa të ndryshme qysh vitin e parë. Ende pa i bë një vit kemi fillu me ndërmarr masa të tilla për t’i mbështet prodhuesit, për t’i mbështetur bujqit, por mbështetja të jetë për bujqit përnime”, shtoi Murati. /Teve1.info/
