Gjatë paraqitjes së raportit financiar të Buxhetit të Republikës së Kosovës, për vitin 2021, Murati tha se janë ndaluar shumë projekte të dëmshme dhe që kanë pas probleme si dhe janë paguar sidomos fatura të shpronësimeve që kanë qenë të papaguara, raporton teve1.info
“Vitin e kaluar gjithsej pranimet kanë qenë 2 miliardë e 490 milionë e 973 mijë euro. Rritje prej 12,8 për qind krahasuar me vitin paraprak. Kurse nëse ndalemi nëpër kategori tatimet direkte kanë pas rritje prej 28 për qind, ato indirekte prej 31 për qind kurse të hyrat jotatimore 30 për qind”, tha Murati.
Ai tha se janë bërë pagesa mbi 2 miliardë e 378 milion, janë shlyer borxhe ndaj FMN-së.
Deputetët e kanë miratuar planin financiar të buxhetit të Kosovës për vitin 2021 me 63 vota për.
Po ashtu, Kuvendi e miratoi edhe Projektligjin për vlerësimin e ndikimit në mjedis.
