Deputetët e ish-partive opozitare po e shkelin Kushtetutën duke mos votuar.
Kështu tha ministri në detyrë i Financave, Hekuran Murati, pak para se të hyjë në sallën e Kuvendit, ku pritet të mbahet tentativa e 30-të me radhë për konstituimin e Kuvendit.
“Duhet deputetët ta kryejnë obligimin e tyre kushtetues, të votojnë – pro, kundër ose abstenim. Qe 21 herë deputetët e opozitës e shkelin Kushtetutën duke mos marrë pjesë në votim”, deklaroi Murati.
Ai i referohet çështjes së votimit të komisionit për votim të fshehtë, ku deputetët e LVV-së po votojnë pro, ndërsa të tjerët nuk po marrin pjesë në votim.
