Murati gjatë raportimit në Komisioni për Shëndetësi, tha se duhet pastruar listat e veteranëve.
Pagesa për veteranët është 80 milionë euro në vit. Nga perspektiva e një veterani mund të duket që shteti po jep pak për ta, por shteti po jep 80 milionë euro. Veteranit i kanë hy në hise disa të tjerë që nuk janë veteranë. Duhet t’u bëhet një pastrim i listave. Duhet t’i trajtojmë drejt ata që kanë luftuar e kanë marr pushkën e kanë marr guximin.’’, tha ai në komision.
Murati foli edhe për çështjen e mospërfshirjes së veteranëve në Ligjin për pagën minimale, për të cilin të hënën protestuan veteranët.
Ai tha se ata janë larguar nga Ligji për pagën minimale në vitin 2017.
“Neni 18 që e lidh pagën minimale me pensionin e veteranëve është fshirë në vitin 2017. Fshihet neni 18 dhe kësisoj behet shkëputja e pagës se veteranit”, është shprehur Murati.
Veteranët kanë paralajmëruar protesta të tjera për të kundërshtuar Ligjin për pagën minimale, i cili të hënën nuk u miratua në parim në mungesë të kuorumit./teve1.info/
