Shefi i ekzekutivit kosovar, Albin Kurti, është shprehur i bindur se largimi i serbëve nga institucionet e Kosovës është i ndërlidhur me bindje e arsye politike.
Sipas Kurtit, serbët janë larguar me urdhër të Beogradit, prandaj për ato pozita do të ketë aplikime të reja profesionale.
Por Kryeministri i vendit nuk ka treguar se si do ta shmang ndikimin e Beogradit tek serbët e rinj që do të punësohen ne institucionet e Kosovës.
Ndërkaq njohësi i çështjeve politike, Belgzim Kamberi, thotë se Qeverisë së Kosovës i mungon një plan se do t’i integroj në institucione serbët lojal të Kosovës.
E për profesorin Seb Bytyçi, Qeveria e Kosovës duhet të bëjë më shumë në luftimin e strukturave paralele.
Sipas tij, serbët lojal të Kosovës ndihen të kërcënuar nga strukturat paralele qe veprojnë ne veri të Kosovës prandaj e kanë vështirë të integrohen.
Që nga fillimi i nëntorit me qindra serbë kanë dhënë dorëheqje nga disa institucione të Kosovës, përfshirë Policinë, Gjyqësorin, e gjithashtu kanë dhënë dorëheqje nga niveli komunal e qendror.
Së fundmi Kryeministri Kurti, ka vendosur që ish-minstrin Goran Rakiq ta zëvendësojë me Nenad Rashiq, i cili u emërua pozitën e ministrit për Komunitete dhe Kthim.
Kronika e realizuar nga gazetari Shpat Blakçori.
