Tash e sa vite kanë mungesë të barnave esenciale, e hiç mirë nuk po qëndrojnë as me pajisjet mjekësore, e këtë fakt më së shumti po e vuajnë banorët e komunës së Vushtrrisë, të cilët jo rrallë herë ankohen për shërbimet mjekësore.
“Si kanë pajisjet që ju nevojiten, fasha e këso sene, kanë ndonjëherë mungesë. Barnat zakonisht i blejna jo që na i kanë dhanë këtu, edhe pse thuhet se ekziston ndonjë por çka bëjnë me to nuk e dina, nuk gjinden zakonisht, duhet me i ble”, shprehet qytetari nga Vushtrria.
Përveç mungesës së barnave esenciale, ankesa për infrastrukturën e dobët brenda kësaj qendre mjekësore kanë edhe punonjësit shëndetësor.
“Kjo ndërtesë nuk i plotëson kushtet si institucion shëndetësor, dhe nuk mundet as nuk ta certifikon asnjë institucion kredibil,d.m.th është jashtë standardeve. Plani jonë tash është në ndërtesën që ka qenë në QMF në hyrje, me e ba modifikimin, dhe me kalu ajo ma u ba QKMF dhe kjo me mbetë me këto dobësi dhe me këto parregullsi që nuk është e rregullime me u ba QMF”, thotë Hasan Rama, koordinator i planifikimit në QKMF.
Se ky objekt nuk i plotëson standardet për pune e thotë edhe drejtori i Shëndetësisë në Vushtrri, Nexhmedin Rashica.
“Sa i përket infrastrukturës, nuk jemi të kënaqur me objektin e ri të QKMF-së, sepse nuk i plotëson kushtet hapësinore dhe ndërtimore, dhe jemi duke punuar që të modifikojmë QMF1 dhe QKMF- në kështu që QMF1 i plotëson të gjitha kushtet dhe mendojmë me ndërtimin e zyrave administrative që jemi duke punuar, do të bëhet një objekt që i plotëson të gjitha kushtet si QKMF”, shprehet Rashica.
Ndërkaq sa i përket mungesës së barnave esenciale, Rashica thotë se shumica prej tyre sigurohen nga kontratat kornizë se sa nga Ministria e Shëndetësisë.
Rashica thotë se në këtë pikë, më shumë kanë probleme sa i përket furnizimit me insulin, e që për këtë e hedhë fajin tek Ministria e Shëndetësisë.
Kronika e realizuar nga gazetarja Riga Gjata
