Rrustemi në emisionin “Ditari” në Tëvë1, tha se do të presin deri të hënën eventualisht të martën, nëse Ministria e Punëve të Brendshme nuk ndërmerr masa për zgjidhjen e këtij problemi, atëherë sipas tij do të ketë përshkallëzim të protestës.
“Ne do t’i presim deri të hënën eventualisht të martën, nëse nuk bëhet diçka konkrete ne do të ulim dhe do të njoftojmë për përshkallëzimin e protestës sepse me të vërtet jemi në një situatë shumë të keqe. Ka shumë alternativa, njëra prej tyre është se do ta bëjmë punën me staf të reduktuar. Megjithatë iu takon këshillave të sindikatave të vendosin çfarëdo”, ka deklaruar ai.
Sipas Rrustemit, vetëm në muajin gusht, 14 punëtorë të stafit të Prokurorisë Themelore kanë kërkuar trajtim emergjent shëndetësor për shkak të mungesës së ajrosjes.
“Vetëm në muajin gusht afër 14 punëtorë të stafit të Prokurorisë Themelore iu ka dashur trajtimi emergjent shëndetësor. Ne në vazhdimësi kemi pasur probleme. Nga këto 14 raste njëri prej tyre ka qenë shumë rast i rëndë por falë reagimit të shpejt të institucioneve shëndetësore ka shpëtuar nga më e keqja”, tha më tej ai. /teve1.info/
