Deputetja e VV-së, Fatmire Mulhaxha-Kollçaku ka përkujtuar masakrën e Lybeniqit të Pejës.
Ajo ka thënë se kjo masakër është një nga krimet më të mëdha që kanë kryer forcat serbe në Kosovë.
“Masakrat e kryera në fshatin Lybeniq ndaj popullsisë se pafajshme shqiptare më 25 maj 1998 dhe më 1 e 7 prill 1999, janë ndër krimet me të mëdha që kanë kryer forcat policore, ushtarake e paraushtarake serbe në Kosovë”, ka shkruar ajo në Facebook.
Sot përkujtohet masakra e Lybeniqit të Pejës, ku forcat e regjimit serb, 25 vjet më parë, vranë 79 civilë të këtij fshati.
Qytetarë dhe liderë të shumtë kanë arritur në këtë fshat ku me 1 prill 1999 forcat e regjimit të Beogradit vranë e masakruan rreth 80 banorë të këtij fshati, pa kursyer as fëmijët. /teve1.info/