Mesfushori ofensiv, Liridon Mulaj është shpallur futbollisti më i mirë për xhiron e 35-të në Superligën e Zvicër.
Futbollisti kosovar shkëlqeu në fitoren e ekipit të tij, Stade Lausanne Ouchy që në vikend triumfoi 3:1 ndaj Yverdonit.
Në këtë ndeshje, ai realizoi dy gola, ndërsa liga zvicerane të martën njoftoi se Mulaj ishte shpallur më i miri i xhiros.
25-vjeçari është pjesë e Lausanne Ouchyt prej vitit 2022, ndërsa këtë edicion ka realizuar 5 gola dhe ka bërë një asistim në elitën e futbollit zviceran.
Mulaj në fund të këtij edicioni do të largohet nga ekipi zviceran, pasi në fund të muajit të ardhshëm I skadon kontrata. Ai ka luajtur për gjeneratat e reja të Zvicrës, prej U15 deri tek U20.
