Te skuadra e Trabzonsporit duket se nuk janë aspak të kënaqur me sulmuesin e Kombëtares së Shqipërisë, Ernest Muçi.
Muçi në fillim të këtij muaji u huazua te Trabzonspori nga skuadra e Beshiktashit, me të cilën ka kontratë deri në verën e vitit 2027.
Me fanellën e Trabzonsporit, Muçi ka regjistruar dy paraqitje, ku luajti në humbjen nga Fenerbahçe dhe barazimin me Gaziantepin.
Përkundër pritjeve të mëdha nga Muçi, te Trabzonspori kanë vlerësuar se Muçi ishte një zhgënjim i plotë në të dyja këto ndeshje, pasi nuk ka pasur ndonjë ndikim në fushë.
Paraqitjet e tilla te Muçit, nuk garantojnë se Trabzonspori do ta shfrytëzojë opsionin e blerjes së kartonit të tij për 10 milionë euro vitin tjetër.
24-vjeçari në fillim të vitit të shkuar u transferua te Beshiktashi nga Legia e Varshavës.
