Përkundër se ishte në listën e lojtarëve për t’u larguar këtë muaj, Ernest Muçi do të mbetet pjesë e skuadrës së Beshiktashit.
Është trajneri i ri i Beshiktashit, Ole-Gunnar Solskjaer, ai që ka kërkuar qëndrimin e Muçit në ekip pasi është bindur nga cilësitë e futbollistit të Kombëtares së Shqipërisë.
Kështu që, me kërkesën e trajnerit Solskjaer, emri i Muçit është larguar nga lista e lojtarëve që ishin në shitje këtë muaj, ku Beshiktashi për kartonin e tij kërkonte 10 milionë euro.
23-vjeçari u transferua te Beshiktashi para një viti nga Legia e Varshavës dhe me ekipin turk ka kontratë deri në verën e vitit 2027.
Këtë sezon, Muçi ka realizuar 5 gola dhe ka bërë 2 asistime në 22 paraqitje në të gjitha garat për Beshiktashin.
