Ministria e Jashtme e Kosovës, ka thënë se pret që ShBA e BE të marrin veprime ndaj atyre që mbështesim autorët e sulmit terrorist në kanalit e Ibër-Lepencit të premten në Zubin Potok.
Në një reagim në X, MPJD ka mirëpritur reagimin e ShBA-së dhe BE-së që kanë dënuar këtë sulm.
“Ne mirëpresim reagimin dhe dënimin e shpejtë të SHBA-së dhe BE-së për sulmin, si dhe ofertat e tyre për mbështetje. Ne do të ndajmë gjetjet tona me partnerët tanë dhe presim që ata të ndërmarrin veprime vendimtare kundër atyre që mbështesin autorët”, thuhet në reagimin e MPJD-së në X.
Nga kjo ministri është thënë që ka prova që sulmi në infrastrukturën kritike të Republikës së Kosovës është kryer nga Serbia.
“Infrastruktura kritike në Republikën e Kosovës ishte cak i një sulmi terrorist. Dëmet janë të konsiderueshme dhe policia po heton. Tashmë ka prova të shumta, rrethanore dhe të tjera, që tregojnë se ky është një sulm tjetër i planifikuar dhe i orkestruar nga Serbia”, thuhet në reagim.
Kryeministri Kurti ka thënë se sulmi terroristë është kryer me mbështetjen e Serbisë.
Ai të premten tha se këto sulme po ndodhin për shkak se grupet kriminale kanë humbur ndikimin dhe kontrollin në veri.
