Njëherit, ka shkruar se çështja mes Kosovës dhe Serbisë do zgjidhet me dialog, e jo me kampanja destruktive mediale.
“Ministria e Punëve të Jashtme dhe Diasporës e Republikës së Kosovës, njofton që nuk ka ASNJË njoftim në MPJD dhe as në misionet e Republikës së Kosovës, rreth pretendimeve të djeshme të presidentit serb se disa shtete paskan tërhequr njohjen. Një pretendim i tillë nuk është vërtetuar as pas bisedave personale me përfaqësues në nivele të ndryshme të këtyre shteteve, por as pas konsultimit me partnerët e rëndësishëm të vendit tonë. Çështjet e hapura mes Republikës së Kosovës dhe Serbisë zgjidhen me dialog dhe jo me kampanja destruktive mediale”, ka shkruar Ahmeti në Facebook.
Tutje, Ahmeti ka shkruar se Serbia urgjentisht duhet të heq dorë nga sulmet agresive ndaj Kosovës dhe sovranitetit të saj, pasi sipas tij, në qendër duhet të jetë njohja e ndërsjellët. /teve1.info/.
