Ministria e Jashtme e Kosovës, ka thënë se në aksidentin ku u përfshi autobusi nga Kosova, sipas informatave të para nuk raportohet për të lënduar apo që kanë kërkuar ndihmë mjekësore.
Aksidenti ka ndodhur rreth orës 18:00 në vendin e quajtur Orashac, në afërsi të Dubrovnikut.
Autobusi po udhëtonte në drejtim të Gjermanisë.
“Sipas informacioneve të deritanishme asnjë nga udhëtarët nuk duket të jetë lënduar dhe as të ketë kërkuar ndihmë mjekësore”, thuhet nga MPJD.
Për këtë aksident ka reaguar edhe kompania kosovare. Ata kanë thënë se nuk ka të lënduar dhe se udhëtarët kanë vazhduar rrugën me një autobus tjetër./teve1.info/
