Ministria e Punëve të Jashtme dhe Diasporës (MPJD), ka shprehur pikëllim për tërmetin që goditi Marokun duke lënë të vdekur mbi 2 mijë persona.
Nga MPJ kanë thënë se Kosova është e gatshme për të ofruar ndihmë.
“Jemi thellësisht të pikëlluar nga tërmeti shkatërrues që ka goditur Marokun. Ngushëllimet tona të përzemërta shkojnë për familjet e pikëlluara dhe urojmë shërim të shpejtë për të lënduarit. Kosova është e gatshme të japë mbështetjen e saj në përpjekjet për ndihmë”, thuhet në reagimin e MPJD-së në “X”.
Tërmeti në Marok ka lënë të vdekur mbi 2000 persona, ku ngjashëm është edhe numri i të lënduarve. Tërmeti ishte me magnitudë 7.2, më vdekjeprurësi i Marokut në më shumë se 60 vjet, i cili goditi malet e Atlasit të Lartë të premten mbrëma vonë./teve1.info/
