Ministria e Jashtme dhe Diasporës së Kosovës, ka bërë të ditur se raportimit për arrestimin e një shtetasit të Kosovës në Serbi ende nuk është konfirmuar.
Nga kjo ministri në një përgjigje për Tëvë 1, kanë thënë se Zyra Ndërlidhëse e Kosovës në Serbi nuk është informuar për lëtë rast dhe nuk ka mundur ta konfirmojë.
“Zyra Ndërlidhëse e Republikës së Kosovës në Serbi nuk është informuar dhe as nuk ka arritur ende të konfirmojë zyrtarisht arrestimin sipas raportimeve, të cilave i referoheni”, thuhet nga MPJD.
Nga kjo ministri kanë bërë të ditur se është dërguar kërkesa në Qeverinë e Serbisë, që të ofrojë sqarime për këtë rast.
“Si edhe në rastet e mëhershme, Zyra Ndërlidhëse e Republikës së Kosovës në Beograd nëpërmjet Ambasadorit Jashari i ka dërguar shkresë zyrtare Zyrës Ndërlidhëse të Serbisë në Kosovë përmes së cilës ka kërkuar nga Qeveria e Serbisë që ta konfirmojë arrestimin eventual, të ofrojë sqarime për arsyet e arrestimit dhe të bëjë të ditur vendin (qendrën e paraburgimit), ku është duke u mbajtur shtetasi i Republikës së Kosovës. MPJD do t’ju mbajë të informuar nëse pranon informata të reja dhe që mund të jenë me interes për mediat dhe publikun”, thuhet tutje.
Gjatë ditës MUP-i serb ka publikuar një lajm ku thuhet se një shtetas i Kosovës është arrestuar në pikën e kalimit kufitar në Batrovc të Serbisë. Për të njëjtin thuhet se është zënë me 17 kilogram marihuanë.
