Nesër, më 24 shtator 2025, do të organizohen aktivitete solemne për shënimin e dy vjetorit të rënies heroike të policit Afrim Bunjaku, nën patronatin e deputetit Xhelal Sveçla dhe Drejtorit të Përgjithshëm të Policisë së Kosovës, Gazmend Hoxha.
Aktivitetet përkujtimore do të zhvillohen në dy momente të rëndësishme gjatë ditës:
Homazhe te varri – Ora 10:30
Qeveria në detyrë me drejtorin e përgjithshëm të Policisë së Kosovës, korpin diplomatik dhe zyrtarë të tjerë nga Policia e Kosovës do të bëjnë homazhe te varri i heroit Afrim Bunjaku.
Gjatë ceremonisë do të bëhet vendosja e kurorave me lule nga krerët shtetëror së bashku me Ministrin e Punëve të Brendshme dhe Drejtorin e Përgjithshëm të Policisë së Kosovës.
Akademia Përkujtimore – Ora 15:00
Në sallën e Kuqe të Pallatit të Rinisë në Prishtinë do të organizohet një akademi përkujtimore në nderim të heroit Afrim Bunjaku.
