Fenerbahçe ka konfirmuar se Jose Mourinho e ka paditur Galatasarayn.
Trajneri portugez u akuzua për komente raciste pas barazimit pa gola mes ekipeve të hënën.
Supozohet se Mourinho tha për bankën rezervë të Galatasarayt: “Po kërcenin si majmunë”.
Ai po ashtu tha se ndeshja mes rivalëve të vjetër, më mirë që u referua nga Slavko Vincic sesa nga një gjyqtar turk.
Në mbrojtje të trajnerit ka dalur Fenerbahçe, që ka thënë se deklaratat e Mourinhos janë nxjerrë nga konteksti.
“Njoftojmë se Jose Mourinho ka inicuar një padi për prishje të moralit, në vlerë prej 1,907,000 lira turke (41 mijë euro), kundër Galatasarayt”, thuhet në njoftimin e Fenerit.
Shuma e kërkuar si dëmshpërblim simbolizon vitin e themelimit të Fenerbahçes.
Pavarësisht tentimeve të Fenerit e Mourinhos, ky i fundit u dënua me katër ndeshje, derisa do të kthehet në bankën e Fenerit më 13 prill.
