Sot, gjatë ditës parashihet të ketë mot kryesisht me diell, por pastaj edhe me vranësira që pritet të fillojnë nga gjysma e ditës.
Instituti Hidrometeorologjik i Kosovës ka bërë të ditur se në orët e pasditës mund të ketë reshje shiu.
“Situatë pothuaj e ngjashme meteorologjike do të vazhdoj edhe gjatë dy ditëve të vikendit, Në pjesën e parë të ditës mot kryesisht me diell por që vranësirat konvektive do të fillojnë nga gjysma e ditës, ku më pas, në orët e pasdites do të jenë në zhvillim, për të krijuar kushte pë reshje shiu”, thuhet në njoftim.
Ndërkaq, në zona të kufizuara rrezikohet të ketë edhe stuhi lokale me breshër.
“Temperaturat mbesin konstante me ditët e fundit. Do të fryjë erë nga drejtimi i jugperëndimit dhe verilindjes e lehtë dhe lokalisht e fortë”, thuhet tutje në njoftimin e IHMK-së. /teve1.info/
