Sot është parashikuar të mbajë mot i vranët dhe me intervale të gjata me diell.
Instituti Hidrometeorologjik i Kosovës ka bërë të ditur se deri më datë 02 qershor nuk parashihen ndryshime rrënjësore sa i përket parametrave meteorologjik.
Sipas IHK-së, reshje shiu dhe shkarkime rrufesh do të përsëriten pothuajse çdo ditë por duke ndërruar lokacionet dhe intensiteti i reshjeve do te jetë i ndryshueshëm.
“Në shumë zona të kufizuara të Dukagjinit parashihet që reshjet të përcjellën me stuhi dhe breshër. Reshje breshëri mund të ketë edhe në rrafshin e Kosovës, kryesisht në verilindje dhe juglindje duke përfshirë zona të kufizuara”, thuhet në njoftim.
Ndërsa, sa i përket temperaturave ato do të shënojnë rritje të lehta në vlerat e mesditës.
“Do të fryje erë kryesisht nga juglindja dhe veriperëndimi me shpejtësi 1-11m/s”. /teve1.info/
