Instituti Hidrometeorologjik i Kosovës, ka bërë të ditur për motin që do të mbajë gjatë pesë ditëve të javës së ardhshme.
Është parashikuar që të hënën të mbajë mot i vranët dhe me intervale me diell. Gjatë ditës parashihen riga shiu dhe shkarkime rrufesh. Temperaturat minimale do të lëvizin ndërmjet 9-12 gradë Celsius, ndërsa maksimalet e ditës parashihen të lëvizin ndërmjet 19-25 gradë Celsius.
Ditën e martë, pritet të mbajë mot kryesisht i vranët, por edhe me intervale të shkurta me diell, ku pritet të jenë prezente. Derisa parashihen reshje me shkarkime rrufesh. Në fushat termike nuk do të ketë luhatje të mëdha.
Edhe të mërkurën do të ketë mot kryesisht i ngjashëm me ditën e martë, por me rritje të lehta të temperaturave të mesditës.
Të enjten do të ketë mot të vranët, por me ulje të lehta të temperaturave maksimale dhe shkarkime rrufesh. Parashihen reshje të intensitetit të ndryshueshëm.
Ndërkaq, të premten do të mbajë mot i vranët, ku pritet të ketë kohë pas kohe edhe intervale me diell. Vranësirat parashihen të sjellin riga shiu të shoqëruara me shkarkime rrufesh.
Gjatë vikendit parashihet mot kryesisht me diell dhe stabil. /teve1.info/
