Gjatë pesë ditëve të ardhshme në Kosovë moti do të jetë i ndryshueshëm.
Sipas Institutit Hidrometeorologjik të Kosovës të hënën do të mbajë mot i vranët dhe me intervale me diell.
“Në mëngjes parashihen ngrica të dobëta, ndërsa në ultësira paraqiten kushte për mjegull”, ka informuar IHMK.
Të martën parashihet që moti të jetë me vranësira të shpërndara dhe i nxehtë. Temperaturat minimale mbeten rreth zeros, ndërsa maksimalet parashihen të jenë mbi vlerat e mesatareve.
“Ditën e mërkurë, sipas parashikimeve do të mbretërojë mot i vranët dhe me reshje shiu. Sipas IHMK-së, temperaturat minimale do të shënojnë vlera pozitive, ndërsa maksimalet e ditës do të shënojnë ulje në krahasim me ditën e martë”, thuhet në njoftim.
Ndërsa, të enjten do të mbajë mot kryesisht i vranët dhe i freskët. Sipas parashikimeve, temperaturat do të shënojnë ulje, por nuk parashihet të ketë temperatura minus.
Ndërkaq, ditën e premte parashihet të mbajë mot i vranët dhe me intervale me diell. Sipas parashikimeve, temperaturat minimale do të lëvizin rreth zeros, ndërsa maksimalet parashihen të shënojnë ngritje të lehta.
“Gjatë këtyre pesë ditëve parashihet të fryjë erë kryesisht nga jugu dhe verilindja me shpejtësi 1-7 m/s. Sasitë e reshjeve të fundit ishin nga 4 deri 70 l/m2 në rrafshin e Dukagjinit, derisa të njejtat në rrafshin e Kosovës kan variuar nga 5 deri 43 l/m2”, ka bërë të ditur IHMK.
