Mot me diell e temperatura të larta do mbajë gjatë javës së ardhshme në Kosovë.
Temperatura më e lartë gjatë javës sipas Institutit Hidrometeorologjik të Kosovës do të jetë 34 gradë Celsius.
Të martën pritet që në disa vende të ketë reshje shiu të shoqëruara me rrufe.
E hënë
Mot me diell dhe vranësira të pjesshme.
Temperatura minimale: 10–14°C
Temperatura maksimale: 28–34°C
E martë
Mot me diell dhe vranësira, të cilat gjatë ditës, në vende të caktuara, mund të sjellin reshje shiu dhe shkarkime rrufesh. Në zonat me zhvillim konvektiv mund të ketë rritje të përkohshme të shpejtësisë së erës.
Temperatura minimale: 11–15°C
Temperatura maksimale: 24–28°C
E mërkurë
Mot me diell dhe pjesërisht i vranët.
Temperatura minimale: 10–14°C
Temperatura maksimale: 24–30°C
E enjte, 20 gusht
Mot kryesisht me diell. Vranësira të pakta priten kryesisht rreth zonave malore.
Temperatura minimale: 9–13°C
Temperatura maksimale: 27–33°C
E premte, 21 gusht
Mot kryesisht me diell.
Temperatura minimale: 11–15°C
Temperatura maksimale: 29–34°C
Kushtet biometeorologjike do të jenë përgjithësisht të mira dhe të favorshme, veçanërisht gjatë orëve të mëngjesit dhe mbrëmjes.
Temperaturat e larta gjatë orëve të mesditës, sidomos të hënën, të enjten dhe të premten, mund të shkaktojnë ngarkesë të shtuar termike te personat e ndjeshëm.
Kushtet agrometeorologjike
Kushtet do të jenë përgjithësisht të favorshme për zhvillimin dhe pjekjen e kulturave bujqësore.
Temperaturat e larta do të favorizojnë proceset e pjekjes, ndërsa reshjet lokale të mundshme të martën mund të jenë të dobishme për lagështinë e tokës.
Në zonat ku paraqiten reshje të shoqëruara me stuhi, erëra të forta dhe breshër, mund të ketë dëmtime lokale të kulturave.
Indeksi UV pritet të jetë i lartë deri shumë i lartë, sidomos gjatë intervalit 10:00–16:00, në varësi të vranësirave.
Ekspozimi i drejtpërdrejtë dhe i zgjatur në diell duhet të shmanget gjatë orëve me rrezatim më të fortë.
Rekomandime dhe këshilla
Shmangni qëndrimin e gjatë në diell gjatë orëve të mesditës.
Përdorni kapele, syze dielli dhe krem mbrojtës me faktor të përshtatshëm ndaj rrezatimit UV.
Konsumoni mjaftueshëm lëngje, veçanërisht gjatë ditëve me temperatura të larta.
Gjatë mundësisë për stuhi të martën, fermerët këshillohen të jenë të kujdesshëm ndaj rrufeve, erërave të forta dhe breshrit.
Për kulturat bujqësore rekomandohet monitorimi i lagështisë së tokës dhe ujitja sipas nevojës, veçanërisht në zonat ku nuk priten reshje.
