Instituti Hidrometeorologjik i Kosovës ka informuar se gjatë pesë ditëve të ardhshme do të mbajë mot kryesisht i vranët dhe jostabil.
Sipas parashikimeve, të hënën do të mbajë mot kryesisht i vranët dhe me riga shiu. Ndërsa, në viset malore pritet të ketë shi me borë.
Të martën do të mbajë mot kryesisht i vranët dhe me reshje shiu, ku në disa vende reshjet e shiut do të jenë të përziera me borë. “Temperaturat minimale do të ulen rreth zeros, ndërsa maksimalet e ditës, zbresin në vlera njëshifrore”, ka bërë të ditur IHMK.
Sipas parashikimeve, ditën e mërkurë do të mbajë mot i vranët dhe herë-herë me riga shiu, derisa, në viset e larta shi me borë. Temperaturat do të mbesin afërsisht të ngjashme.
Ditën e enjte pritet të mbajë i vranët dhe me riga shiu, e vende–vende rigat e shiut parashihet të shoqërohen edhe me fjolla bore.
Ndërsa, ditën e premte priten të mbajë mot kryesisht i vranët dhe me riga shiu, ndërkaq, në viset malore pritet të ketë shi dhe borë.
“Gjatë këtyre pesë ditëve të parashikimit mund të ketë reshje bore edhe në vise të ulëta, por kryesisht gjatë orëve të vona të natës, kur temperaturat zbresin rreth zeros. Gjatë këtyre pesë ditëve parashihet të fryjë erë kryesisht nga verilindja me shpejtësi 1-11 m/s, ndersa në pjesën veriore të Dukagjinit, konkretisht në Istog me rrethinë, shpejtësia e erës parashihet të jetë mbi 15m/s.”, ka bërë të ditur IHMK./teve1.info/
