Përmes këtyre ndryshimeve kërkohej t’i njihej stazhi i punës për vitet 90-99 të larguarve nga puna me dhunë nga regjimi serb, edhe pse s’i kishin arritur 15 vjetët e nevojshme të punës për të siguruar pension.
Kica-Xhelili këtë e ka quajtur dështim të vetëdijshëm të deputetëve të pushtetit.
“Asnjë mosveprim i partive politike opozitare – dikur në pushtet, absolutisht asnjë, nuk i legjitimon dështimet e juaja të vetëdijshme, e sidomos të tilla si sot, të vetëdijshme e qëllimshme. E mos të flas për shumicën absolute që keni. Për mungesën e nevojës që të koordinoni çdo gjë me partner të koalicionit”, ka shkruar ajo.
“Sot, një qytetar që ka punuar 14 vite e 364 ditë para luftës e është larguar nga masat e dhunshme, në sytë tuaj nuk vlen aq sa ti kthehet një copë dinjiteti. Apo, nuk vlen “edhe ndonjë muaj, derisa ju e boni ma mirë”. Sepse sipash jush, s’po u “bëjka më mirë” nëse një herë do ta votonit sot, që së paku të fillonin ta merrnin atë kontribut”, ka shkruar deputetja e LDK-së.
