Një mosmarrëveshje verbale mes dy personave në rrugën “19 Qershori” në Podujevë ka eskaluar me kanosje dhe dyshime për ekspozim të armës.
Sipas raportit të Policisë së Kosovës, rasti ka ndodhur të marten, gjatë përplasjes, njëri nga të dyshuarit dyshohet se e ka kanosur personin tjetër, i cili më pas dyshohet se ka nxjerrë armën në praninë e tij.
Gjatë kontrollit në shtëpinë e njërit prej të dyshuarve, Policia ka gjetur dhe konfiskuar një pistoletë me 36 fishekë, një kuti përcjellëse, pajisje të tjera si dhe lejen e armës.
Të dyshuarit janë intervistuar nga Policia dhe me vendim të prokurorit, janë liruar për t’u proceduar në procedurë të rregullt./teve1.info/
