Aleatët Ndërkombëtar kanë kritikuar institucionet e Kosovës pas vendimit të KQZ-së, për moscertifikimin e Listës Serbe për zgjedhjet e 28 dhjetorit.
Për këtë, profesori universitar, Mazllum Baraliu ka deklaruar se Kosova është shtet sovran dhe se reagimet e aleatëve ndërkombëtar nuk duhet të ndërhyjnë vazhdimisht në proceset e brendshme të shtetit të Kosovës. Kjo pasi sipas tij, institucionet e Kosovës janë autonome.
Derisa, ai kujtoi se Lista Serbe vetë është distancuar nga institucionet e Kosovës, duke thënë se në seancat e Kuvendit të Kosovës është paraqitur rrallë herë, duke e shkelur vazhdimisht Kushtetutën e vendit.
“Ne jemi shtet sovran, përfaqësuesit diplomatik nuk e kanë për çdo gjë me qenë kujdestar se çfarë po ndodh në një institucion sepse institucionet tona janë autonome më tepër se kaq të pavarura me Kushtetutë, prandaj unë nuk jam kundër reagimeve të aleatëve ndërkombëtar, por është e tepërt për të reaguar për çdo gjë në dëm të shumicës. Lista Serbe ka heq dorë nga institucionet, nuk është ajo që do institucionet, ka hequr dorë nga të gjitha, Lista Serbe është se në Kuvend një herë në gjashtë muaj paraqitet, është ajo që vazhdimisht e shkel Kushtetutën”, deklaroi Baraliu në emisionin “Ditari” në Tëvë1./teve1.info/
