Bashkimi Evropian është shprehur i zhgënjyer për moscertifikimin e dy partive politike serbe në Kosovë, Lista Serbe dhe Demokracia Serbe për zgjedhjet lokale të 12 tetorit.
BE-ja e ka cilësuar për keqardhje qëndrimin e Lëvizjes Vetëvendosje.
Sipas BE-së, përjashtimi i cilitdo akter politik bie ndesh me parimet e demokracisë. BE-ja ka thënë se do të vazhdojë t’i monitorojë nga afër zhvillimet.
BE-ja ka thënë se pret që institucionet përgjegjëse të sigurojë se i gjithë procesi, përfshirë apelimi i partive, të kryhet në përputhje me Kushtetutën dhe ligjet në Kosovë.
“BE-ja është e zhgënjyer për moscertifikimin e dy partive politike të serbëve të Kosovës. Është për keqardhje qëndrimi i Vetëvendosjes gjatë procesit të certifikimit. Karakteri gjithëpërfshirës i zgjedhjeve të ardhshme lokale është kyç për të ardhmen e raporteve në mes të Kosovës dhe Bashkimit Evropian. Partitë politike që i kanë përmbushur kriteret ligjore duhet të lejohet të marrin pjesë në zgjedhje dhe përfaqësuesit e zgjedhur duhet të marrin detyrat gjithandej Kosovës, bazuar në një proces të lirë, të drejtë dhe gjithëpërfshirës”, thuhet në reagim.
